கேதாரீஸ்வரர் பூஜா விதி

deeparathana-01

பூஜை ஆரம்பத்தில் மஞ்சளால் ஆன விநாயகரை செய்வித்து, கந்தம், புஷ்பம், அருகு சாற்றி, நோன்பு விரதக்காரர்கள் கையில் புஷ்பம் கொடுத்து விநாயகரை அர்ச்சனை செய்விக்க வேண்டியது.

அதற்கு மந்திரங்களாவன:

                     ஓம் சுமுகாய நம:

                    ஓம் ஏகதந்தாய நம:

                    ஓம் கபிலாய நம:

                    ஓம் கஜகர்ணிகாய நம:

                    ஓம் லம்போதராய நம:

                    ஓம் விகடாய நம:

                    ஓம் விக்நராஜாய நம:

                     ஓம் விநாயகாய நம:

                    ஓம் தூமகேதவே நம:

                    ஓம் கணாத்யக்ஷாய நம:

                    ஓம் பாலச்சந்திராய நம:

                     ஓம் வக்ரதுண்டாய நம:

                    ஓம் சூர்ப்பகர்ணாய நம:

                    ஓம் ஹேரம்பாய நம:

                     ஓம் ஸ்கந்தபூர்வஜாய நம:

                    ஓம் மஹா கணாதிபதயே நம:

மேற்கண்ட சோடஷ நாமங்களையோதி, நானாவித பத்ர, புஷ்பமிட்டு, தூபம் ஆக்ராபயாமி, தீபம் தர்ஷயாமி என்று சொல்லி தூப தீபம் கொடுத்து, தக்ஷணை தாம்பூலம் நைவேத்தியம் வைத்து தீபாராதனை செய்ய வேண்டும்.

இப்போது ஸ்ரீ கேதாரீஸ்வரரை ஆவாஹனம் செய்ய வேண்டும். அம்மியையும் – குழவியையும் அலங்கரித்து, அம்மியின் மீது குழவியை நிறுத்தி, குங்குமம், கந்தம் முதலிய பரிமள திரவியங்களை அணிவித்து, பருத்தி மாலையிட்டு, புஷ்பம் சாற்றி, அதனெதிரில் கலசம் நிறுத்தி, அதற்கும் பருத்தி மாலையும், புஷ்பமும் சாற்றி, நோன்பு விரதம் அனுஷ்டிப்பவர்களை அருகே அமரச் செய்ய வேண்டும்.

விரதம் அனுஷ்டிப்பவர்கள் ஸ்ரீ கேதாரீஸ்வரரை மனதிலே தியானித்து, காசி கங்கா தீர்த்தங்களிலே திருமஞ்சனமாட்டியது போலும், பட்டு பீதாம்பரம் ஆபரணாதிகளால் அலங்கரித்தது போலும் மனதில் சங்கல்பம் செய்து கொள்ளச் சொல்லி, வில்வம், தும்பை, கொன்றை ஆகிய மலர்களினால் ஈஸ்வரரை அர்ச்சனை செய்யச் சொல்ல வேண்டும்.

அதற்கு மந்திரங்களாவன:

                    ஓம் சிவாய நம:

                     ஓம் கேசவாய நம:

                    ஓம் ருத்ராய நம:

                    ஓம் சங்கராய நம:

                     ஓம் கங்காதராய நம:

                     ஓம் கைலாசவாசாய நம:

                     ஓம் மழுவேந்திராய நம:

                     ஓம் சதாசிவாய நம:

                    ஓம் அச்சுதாய நம:

                     ஓம் நிர்மலாய நம:

                     ஓம் அரூபாய நம:

                     ஓம் ஆனந்தரூபாய நம:

                     ஓம் கோவிந்தாய நம:

                    ஓம் சூலபாணியே நம:

                     ஓம் நீலகண்டாய நம:

                     ஓம் நாராயணாய நம:

                     ஓம் கிருஷ்ணாய நம:

                    ஓம் பத்மநாபாய நம:

                    ஓம் ஈசாந்தியாய நம:

                    ஓம் சிவபூஜாய நம:

                    ஓம் காலகண்டாய நம:

                    ஓம் கபாலமூர்த்தயே நம:

                    ஓம் பரமகுருவே நம:

                    ஓம் சாந்த ருத்ராய நம:

                     ஓம் சாந்த ரூபாய நம:

                    ஓம் மார்கண்டாய நம:

                    ஓம் திரிபுர தஹனாய நம:

                    ஓம் தாமோதராய நம:

                     ஓம் பார்வதி ப்ராணேஷாய நம:

                     ஓம் சற்குருவாய நம:

                     ஓம் நந்திகேஸ்வராய நம:

                    ஓம் கேதாரீஸ்வராய நம:

அர்ச்சனை முடிந்த பிறகு, நோன்பு அனுஷ்டிப்பவர்கள் கையில் அக்ஷதை, புஷ்பம் கொடுத்து மும்முறை பிரதக்ஷிண செய்யச்சொல்லி கையிலுள்ளவற்றை சுவாமியின் மீது போடச் சொல்லவும்.

இறுதியில் கற்பூர தீபாராதனை காட்டி, நைவேத்தியமும், தாம்பூலமும் சமர்ப்பித்து தீபங்காட்டி, அவர்களுக்கு நோன்புக்கயிறும், புஷ்பமும், அக்ஷதையும் கொடுத்து ஆசீர்வாதம் செய்யவும்.

அவர்கள் நோன்புக் கயிற்றை கட்டிக் கொண்டு, அக்ஷதையை சிரசின் மீது போட்டுக் கொள்ள வேண்டும். அன்பர்கள் கேதாரீஸ்வரர் நோன்பை முறைப்படி அனுஷ்டித்து எல்லா நலனும் பெற வேண்டி விழைகிறோம்.

நன்றி!

பின்னூட்டங்களை lalithlearns@gmail.com என்ற மின்னஞ்சல் முகவரிக்கு அனுப்பலாம்.


Advertisements
%d bloggers like this: